cerita jawa
ARYA PENANGSANG
Kocap kacarita,ing Padhepokan Kaperwatan kang papane adhem
ayem lan tentrem,putri –putri sami langen suka marang para abdi dalem.Ing papan
kono lagi kapatrapan lelayu, amarga Kanjeng Sunan Prawata lan garwanipun pejah
saknalika kawit polahipun Arya
Penangsang.( para putri beksan gambyong)
Emban : “Raden Ayu prabawaning ratri,Sasadara wus manjer
kawuryan,Tan kuciwa memanise,Menggep srinateng ndalu,Siniwaka sanggyaning
dasih,Aglar neng cakrawala, Winulat ngelangut,Prandene kabeh kebekan,Saking
kehing taranggana kang sumiwi, Warata tanpa sela.”(Karo mesam mesem)
Semangkin :(karo muwun)”Rama ibu kang luhuring budi, Ingkang
angukir jiwa lan raga,Kang agung pangurbanane,paring pituduh luhur, rina wengi
tansah angesthi,Wus gineluding seda, Kondur mring hyang Agung, Sadaya ribed
rubeda, Linambaran kanthi sabarang penggalih, Tuhu pantes tinulad”
Emban :” Sampun sampun Gusti Ayu, mboten usah dipun bacutake
anggenipun tetangisan, mboten usah dipun getuni pejahipun kanjeng Sunan menika
sampun dipun garisaken dening dewa den”
Semangkin :”Yo tak trimak –trimakno yo yung, ananging aku
isih duwe rasa mangkel ing ati.Amarga pejahipun rama lan ibu menika mboten
amarga lara ,ananging dipun pejahi soreng andhahane Arya Penangsang.
Emban :” Gusti putri ,sinambi ngilangi rasa sedih mangga
langen suka tetembangan mawon”
Semangkin:” iyo yung , enake tembang goyang semarang wae”
Emban :” music dados”( pada tetembangan langen suka)
Sakwise pada
tetembangan ,ing papan kana karawuhan kanjeng ratu Kalinyamat.
Ratu :”Assalamualaikum yayi”
Semangkin :” Waalaikumsalam bibi ratu”
Ratu:” Kepiye pawartamu ing dina iki, sarehne Kanjeng Sunan
seda”
Semangkin :” Sakderengipun sembah nuwun kula mugi konjuk,
sarehne rama lan ibu dipun pejahi soreng raos batin kula mboten tarimah taksih
wonten rasa mangkel ing batos ngantos dinten punika. Kula badhe sumpah menawi
pinanggih dhateng arya penangsang bakal
mbalesaken dendamipun rama lan ibu. (kanthi amarah)
Ratu: “ oh. Yen pancen mangkono kekarepanmu ayo yayi melu
bibi wae”
Sakbanjure semangkin kaliyan emban nderekaken Kanjeng Ratu
Kalinyamat sowan ing Kudus. Ing kana
ketemu karo Aryo Penangsang lan wadya balane.
Banjur Kanjeng Ratu Kalinyamat ora sido sowan amarga saking seriking
manah.
Setting: ing pendopo kudus (aryo penangsang lan sunan kudus)
lan ing alas ( semangkin, ratu,lan emban ngindhik)
Ratu : “eh kosek kosek galo nek ora kleru kae bathangane aryo penangsang”
Semangkin: “ inggih bibi”
Emban: “ endi tha ndara, pundi tha.(banjur tiba)
Tidak ada komentar:
Posting Komentar