asmaradana

1.      ASMARADANA

a.       Anjasmara ari mami

Mas mirah kulaka warta

Dasihmu tan wurung layon

Aneng kutha prabalingga

Prang tandhing lan wurung bisma

Karya mukti wong ayu

Pun kakang pamit palastra

b.      Caritane wayang jawi

Ing praja ngalengka draja

Ratu buta rahwana arane

Gawe geger nyolong shinta

Anoman cancut tumandhang

Ngalengka wus dadi awu

Kobong gedhe jroning praja

c.       Poma poma wekas mami

Anak putu aja lena

Aja katungkul uripe

Lan aja duwe kareman

Marang pepaes donya

Rinten ndalu dipun emut

Yen urip manggih antaka

d.      Pratikeling wong akrami

Dudu banda dudu rupa

Amung  ati pawitane

Luput pisan kena pisan

Yen gampang luwih gampang

Yen angel angel kalangkung

Tan kena tinumbas arta

e.       Nora gampang wong aurip

Yen tan weruh urip ira

Uripe padha lan kebo

Angur kebo daging ira

Khalal lamun pinangan

Yen manungsa dagingipun

Pinangan pastine kharam

f.        Ubed ubed dudu kaji

Kang lancip dudu curiga

Dibanting nggareng tangise

Yen wis meneng tangisira

Gumlundhung aneng kisma

Batangan cangkrimaningsun

Yen ngerti tandha prawira

g.      Ingsun arep amangsuli

Cangkrimaning sanakingwang,

Asmaradana tembange,

Ingsun wis tau suwita,

Ana ing Surakarta

Den utus putraning ratu,

Nyang pasar tuku gangsingan,